藝人吳海昕為ViuTV靈異劇《黑市》演出其中一個單元《電梯》，並飾演單親媽媽。從未拍過靈異劇的她，開工前一晚緊張到失眠，更託經理人準備辟邪手鏈及頸鏈，但最終沒有佩戴。細膽的她更自爆拖實劇中女兒壯膽：「我同小妹妹講，如果去到後巷或(車立)口記住拖實我，但實情係我好驚，拖住佢會有安全感啲！」問會否想做媽媽？她卻耍手擰頭，自言現階段要專心事業，靠演戲過「媽媽癮」。
