邱芷微斥拍檔擦鞋無品
在無綫處境劇《愛．回家之開心速遞》中飾演「賈名媛」的藝人邱芷微（Chelffy），日前在社交網發文，自爆在一次司儀工作中的不快經歷，被拍檔搶稿讀兼當眾奚落，甚至個人獻唱時被人開咪夾硬合唱，感到不是味兒。有傳她當場爆喊，她又數對方擦鞋、溝秘書多宗罪力斥無品。網友翻查資料發現她曾與藝人蔡康年合作，即成為嫌疑人物之一。
本報記者聯絡上Chelffy，她說：「我原本都係抱住今次有機會跟前輩學習，但今次令我有另一番體驗，都要多謝對方嘅『在職培訓』方式。我始終喺司儀方面比較新，好多嘢都需要向對方虛心學習，佢搞氣氛的確好好。」她指發文沒有開名因不希望影響對方，但活動現場很多人見到事發經過，問到是否當眾被批做得不好？她說：「都有，所以有唔開心。（介意再合作？）我相信唔會尷尬嘅，對方都未必會，佢作為前輩身經百戰，如果唔係呢行點做得耐吖，世界圓o架嘛！」記者聯絡蔡康年，但截稿前未有回覆。