陳嘉容髮型冇得揀着衫執四攤

名模陳嘉容（Eunis）兄弟姊妹眾多，在家中排行第四，有三個姐姐及一個弟弟，可是三個姐姐嫌她年紀小，不肯跟她玩，到長大後，四姊妹感情才愈來愈好，她笑言：「大個咗大家好夾，佢哋終於肯同番我玩。細個時我同細佬一齊玩，都係玩啲無聊嘢，我哋屋企有養金魚，會睇住啲金魚游來游去，會玩掟豆袋同拍貼紙。」
現在打扮得花枝招展的陳嘉容，當年的造型由媽咪一手打造。
現在打扮得花枝招展的陳嘉容，當年的造型由媽咪一手打造。

作為名模的Eunis不時着靚衫、化靚妝，然而小時候家境一般，都是執姐姐舊衫及由陳媽媽操刀剪頭髮：「我哋啲衫都係大家姐着完畀二家姐，二家姐着完到三家姐，三家姐着完輪到我，不過最犀利係媽咪可以將啲衫保持得咁新。為咗慳錢，頭髮係媽咪幫我哋剪，所以我哋幾姊弟嘅髮型好奇怪、好肉酸，我覺得女仔應該要留長頭髮，所以每次剪完都會入房喊。」這些甜甜苦苦的經歷，盡化作Eunis的美好回憶。

陳嘉容（右）排行第四，着衫永遠是「執四攤」。
  • 陳嘉容（右）排行第四，着衫永遠是「執四攤」。