早瀬彩棄甲再戰

士兵拎起武器同戰甲就要出征,上戰場與敵軍打仗唔係你死就我亡!而有「寫真界最強Body」之稱嘅早瀬彩,最近就決定棄「甲」,不過唔係放棄拚搏,而係再戰寫真界!

更弗更索

鍾意睇日本寫真女郎嘅朋友真係唔怕冇索女好睇,因為新出道嘅青春派巨乳女相當多,好似寺本莉緒、大原優乃等等,將活力十足又充滿陽光氣息嘅感覺帶畀大家。另一方面,近年亦有唔少紅極一時嘅經典級寫真妹重踏性感之路,當中包括高挑又大波嘅「寫真界最強Body」染谷有香。不過,佢呢個最強之名睇怕有人要嚟挑戰,佢就係今日同大家見面嘅早瀬彩,佢亦曾經被封係業界最強!

26歲嘅早瀬彩絕對可以為大家帶來不能磨滅嘅深刻印象,一來樣貌具奪魄勾魂嘅媚惑韻味,比引退之前更加索。此外,身材亦比以前弗咗好多,身高5呎7吋,一對修長美腿夠晒煞食,而家陣腰肢更纖幼,但係上圍對F奶卻依然飽滿且分量十足,所以更值得擁有「寫真界最強Body」嘅美譽。

接力打拚

入行前,早瀬彩係咖啡店女侍應,後來客串做模特兒,之後做埋賽車女郎,由於身材高挑且上圍激凸,好快就成為焦點人物,更喺車女選美活動中奪得「年度賽車女郎獎」及「最優秀新人獎」,而早瀬彩仲係比賽當中首位得到「年度賽車女郎獎」嘅平成年出生車女,後來加入寫真界後同樣備受注目。

不過,2017年佢突然急流勇退,唔再拍寫真,話要去做美甲師喎!估唔到嘅係,引退兩年之後,最近佢回歸寫真界,其火辣身材以及迷人美貌又再次成為話題。至於點解會再戰寫真界,阿妹表示其中一個原因係佢同超人氣寫真妹川崎彩屬同一間事務所,兩人亦係好姊妹,見到川崎彩引退,怕大家冇咁高質嘅寫真妹欣賞,所以復出為好姊妹川崎彩接力喎!咩原因都好啦,總之我哋就有眼福啦!

社交網站

簡介:早瀬彩回歸寫真界備受各雜誌傳媒爭相邀請拍寫真,等大家可以欣賞到佢嘅誘人美色,當中唔少寫真照上載社交網,想睇就梗係要Click上去啦!

網址:https://twitter.com/hayase_aya?lang=ja

撰文:賢