李爾晨排球員轉型改名再出發
藝人李爾晨（原名李嘉豪，洋名Kyle）加入邵氏後工作不斷，近日更為邵氏劇集《非凡三俠》拍攝，劇中與前輩張智霖及黃宗澤都有不少對打場面，除了拍劇外，公司亦安排他學唱歌，而Kyle本身是香港甲一排球員，曾奪多次聯賽冠軍，更是2016年國際先生的香港代表，可謂身兼多職。
說到突然改名的原因，Kyle說：「原先個名較普通，正式加盟邵氏後，想重新展開新一頁，令多啲人記得自己，於是搵風水師改咗呢個名，希望大家多多指教。」之前Kyle曾與2017年澳門小姐麥嘉欣拍拖，原來最近已經分手，他說：「始終分隔兩地，而且大家工作開始忙，又要周圍去，所以終於和平分手。」
說到《非凡三俠》，Kyle體驗了多個第一次，第一次跟多位前輩合作，亦首次拍打戲，他謂：「自己比較新，未拍過打戲，驚自己用錯力、唔識就角色，好在武術指導教曉我好多，有一場打戲好深刻，Chilam都拍拍我膊頭，話我打得唔錯，叫我繼續努力，為自己打咗一支強心針。」