李佳芯劏雞式「魔音」唔逼男友聽
李佳芯昨日出席《慈善星輝仁濟夜》記者會，大騷白滑香肩，問到近期積極練歌的她為何不獻唱？她笑說：「咁多歌手喺度！但之後有個慈善活動，可能同一位運動員唱歌。（合唱唔驚比較？）都畀人話我『魔音』，唔爭在！」又搞笑指唱歌老師有獨特的教授方法：「佢叫我嗌到劏雞咁。（唱畀男友聽？）好少喺佢面前唱，多數匿埋練。」記者打趣叫她聖誕節唱歌當禮物，她哈哈大笑說：「唔好咁懲罰佢啦！」
連詩雅認衰
同場的連詩雅憑《孤身走》角逐《萬千星輝頒獎典禮》的「最受歡迎電視歌曲」獎，她自爆首次入圍，問是否有信心，她說：「平常心，覺得自己好幸運，入行9、10年都仲有咁多新嘗試。」聖誕將至，她自認「衰女」，沒有像往年般親手準備禮物，問男友徐浩是否例外？她冧說：「唔使搞咁多嘢，兩個人開心就天天都開心，如果佢寫張卡畀我，我會覺得好有心思。佢有送過，但要提囉，我依家就透過訪問提佢。」
