馬天佑讚阿Sa體貼 好老婆典範

馬天佑（Mayao）是Slash青年，有多重身份，既是歌手也是形象指導，與多位圈中人關係密切，早前他接受東網巨星炮製的節目「海馬牌床褥特約」《閨蜜睡房之Brother來了》訪問。他被主持人俞詠文（Angela）問到跟吳千語還是阿Sa更友好？Mayao答不到，直言兩個都是好朋友，更是最佳的旅行腳：「我哋三個去旅行好好玩，有次去韓國，我同阿Sa冇任何計劃，千語就會有少少Planning，會搵晒啲餐廳資料，畀大家想去就去，為一個旅行帶嚟亮點。」
蔡卓妍獲馬天佑大讚細心體貼，是百分百的賢妻。
蔡卓妍獲馬天佑大讚細心體貼，是百分百的賢妻。

千語食得講究

他從不會與閨蜜有爭拗，惟試過被千語鬧，他笑說：「佢煮嘢食太叻，平時燒雞翼大家只係搽蜜糖，佢唔係，佢會秘製一啲醬汁，我話咪同脆香雞翼差唔多，佢就會鬧我囉！哈哈！」Mayao又讚阿Sa在任何事情上都能處理得體貼周到，是終生伴侶的典範：「佢係一個超級好老婆，有好老婆嘅Material，你同佢生活會好幸福。（千語呢？）佢始終26歲少女，佢都好好，仲有好多時間去改善做得更加好。」

說服阿妹素顏

曾替不少巨星擔任形象指導的Mayao，最難忘跟張惠妹及周杰倫合作，他可以說服張惠妹素顏上陣拍專輯封面，又可以令周杰倫豪包八個廠景拍攝一首新歌MV，原來全靠「吹得」！大家想知道他吹功如何了得，就記得本星期五、六、日收睇《閨蜜睡房》喇！

吳千語入得廚房出得廳堂，打理頭家信得過。
  • 吳千語入得廚房出得廳堂，打理頭家信得過。
身兼多職的馬天佑交遊廣闊，與多位藝人私交甚篤。
  • 身兼多職的馬天佑交遊廣闊，與多位藝人私交甚篤。