陳健安幻想得獎深情到喊

歌手陳健安(On仔)昨日到電台受訪,問到以個人身份角逐樂壇頒獎禮獎項可大壓力?他坦言:「感受緊,啲歌自己好投入創作,自己玩到好爽,好彩大家反應好正面。」他又很開心被網民稱為「民意男金」。對於今年有三個樂壇頒獎禮取消,他說:「適應緊時代見證同轉變,頒獎禮形式嘅改變。」

他又自爆沖涼時曾幻想講得獎感言:「我仲會諗到深情到喊,或者遲啲可能自己着靚啲,然後拍片講得獎感言,多謝番合作過嘅人。」