周永恒否認跪警 冷靜做瑜伽

曾涉藏毒、恐嚇前妻趙頌茹被裁定普通襲擊罪成的Roy，前晚在尖沙咀涉嫌在公眾地方打架被捕，於警署被扣留約24小時後獲保釋，將於明年1月下旬再到警署報到。昨日他在天水圍寓所受訪，對於被指跪拜警員一事，他表示不想被曲解，要講出真正版本，並澄清不是下跪，他說：「當時氣氛好緊張，啲警察不停叫我冷靜，我又叫佢哋冷靜啲，咁我學過瑜伽，咪做個可以令人冷靜嘅體式，我係坐喺度，唔係跪喺度。（隨即做出五體投地動作）呢啲先叫跪，合十手勢都係瑜伽動作，我係基督徒，所以同佢哋講：『我愛你哋呀！』之後氣氛真係冷靜咗，啲人冇再掂我。」他出示手機中拍攝被調查過程的短片：「拍片係為自保。」片中見他放手機在地上，從他人腳罅向鏡頭說：「我要自保，我暫時唔會自殺。」

有腦瘤入院檢查

他不願透露案情，但聲稱警方看過他在便利店的閉路電視後，就知他是被打而非打人，左眼有瘀痕的他又說：「我呢啲成日出入差館嘅人，點會自己報警拉自己呀？（雙方可有肢體碰撞？）我被人兜頭打咗幾拳，流晒鼻血，我個腦有個瘤，唔可以受撞擊，所以要入醫院檢查，好彩冇事，但對方拒絕驗傷。」自稱學拳多年，因之前曾涉普通襲擊罪成被判緩刑18個月，令他學識自我保護：「就算緩判期屆滿，我都成日提自己唔好再犯事，否則死梗（入獄），所以我都多謝嗰18個月緩刑。」

趙頌茹求心安理得

提到他再婚兼生了囝囝後，本以為洗心革面，但現再涉嫌生事，令人失望，他就反問：「邊個對我有期望過？我唔會為人哋點睇我而去做取悅人嘅事。」至於會否復出幕前？他覺得香港沒有明星，現只想做Busker，在街頭發表自己喜愛的音樂。而他的太太陳薇昨日在社交網指帶兒子到主題公園玩樂及享用下午茶，兩母子開心得大玩自拍，似乎未有受老公事件影響。據知，她是回內地探親，故順道帶囝囝去玩。

另一邊廂，Roy的前妻趙頌茹透過社交網上載身在東京寺廟前相片，發文：「我沒有求甚麼保佑不保佑，沒有求順境不順境。單求活得心安理得，就夠了。我相信小鳥逆風會飛得更高，小草狂風中成長會更堅韌。」