梁麗翹生日老公「簡單」畀驚喜
《東張西望》主持梁麗翹（Nicole）早前生日，除了獲一班好姊妹提早到主題樂園慶祝外，她還跟老公及女兒過了一個簡單而溫馨的生日，她說：「中午同囡囡喺屋企附近食飯，食咗蛋糕，夜晚本來打算同老公出去食飯撐枱腳，但唔想丟低個女，所以最後取消咗，由老公下廚，佢煮咗龍蝦、雞扒同意粉，好好食。」
Nicole大讚老公廚藝，以往亦不時為她下廚，又「投訴」笑言：「不過自從有咗囡囡之後，就求其咗好多，好多時會叫外賣，或者煮啲好簡單嘅嘢，不過我生日，佢就煮得豐富啲。」問到生日願望，她坦言人大了，覺得身體健康最重要，一家人簡單食飯已很開心滿足，希望大家能多些正能量。
