琦琦自嘲家中冇地位

名模琦琦昨日出席楊茹庭（前名楊如芯）代理的尚鮑中環店舖開幕活動，她透露月底是囡囡晴佳生日，將舉家滑雪：「到時先慶祝，整個冰蛋糕畀佢。（老公任達華都去？）去，但唔會滑雪，負責影相。佢唔係好鍾意滑雪，同埋要拍戲驚整親。」又指老公每年都會攞假慶祝聖誕、倒數及女兒生日，不過她生日則冇份，她笑說：「我喺屋企最冇地位！講笑！我哋係大人，盡在不言中 。」
楊茹庭新店開幕，好友琦琦到賀。
楊茹庭新店開幕，好友琦琦到賀。

至於楊茹庭被問為何改名，她說：「爹哋識咗個師傅話改名會好啲，的確愛情同事業都好咗。」又透露現時感情生活十分愉快，聖誕會一齊去韓國滑雪，但暫不會再婚：「想穩定啲先。」到賀的還有傅明憲、李明慧及王賢誌等好友。

近日氣溫驟降，傅明憲小心保暖。
  • 近日氣溫驟降，傅明憲小心保暖。