信任男友!李思雅拍拖歐遊散心

藝人李思雅與應屆港姐冠軍黃嘉雯昨日出席無綫「十二星辰」活動,李思雅早前被指搶好友未婚夫,雖然她已澄清,但坦承心情受影響:「有少少唔開心,但好多謝男友喺社交網幫我澄清。報道出咗之後,男友有叫佢前度唔好做呢啲小動作,但個女仔否認。」又強調信任男友:「件事冇影響我哋感情,佢唔會呃我,聖誕會一齊去歐洲旅行散心。」

至於明天生日的嘉雯透露,將跟朋友及男友慶祝:「男友應該訂咗間日本餐廳,佢知我鍾意食日本嘢。佢都浪漫嘅,但我哋唔係第一年慶生,所以我都摸到佢底細。」而聖誕將偕男友到瑞士探望對方家人,已準備好見面禮。