岑杏賢落閘派檸檬冧認有人追

岑杏賢與袁偉豪分手多年，有指近月破Dry成功。

約埋收工

憑處境劇《愛．回家之開心速遞》角色「阿壯」彈出的焦浩軒，最近與Jennifer合作主持節目《流行都市》，由於二人均「浸過鹹水」同聲同氣，加上日對夜對而日久生情。

有指二人9月時撻着，早前他們拍《都》時玩直播，當談到「約埋收工」話題時，焦浩軒懶理其他主持，摸Jennifer面頰，並說：「我哋會約埋o架！」同是10月生日的二人，據知早前拍外景後，齊齊與工作人員慶祝，期間安德尊祝二人「百年好合、永結同心」，Jennifer更向焦浩軒獻吻！

日前Jennifer現身銅鑼灣，問到是否與焦浩軒拍拖？她愕然說：「梗係唔係啦！點解咁傳？」提到男方摸她面頰，她說：「咁搞笑？（安德尊祝你哋百年好合。）講笑之嘛，大家唔好咁認真啦！（真係冇拍拖？）同事嚟咋！」但問到有否追求者，她即甜笑說：「依家有人追，但唔係焦浩軒，哈哈！（發展中？）了解中，圈外人嚟嘅！」

提到圈外追求者時，岑杏賢忍不住甜笑。	焦浩軒於節目開Live時，當眾摸岑杏賢的臉。	二人經常合作，日久生情。