兄妹情昇華蔣家旻做羅天宇「阿媽」
無綫藝員羅天宇與同母異父的弟弟及「假細妹」蔣家旻，以及伍樂怡等昨日在將軍澳電視城出席明珠台《愛地球 過聖誕》記者會，羅天宇與蔣家旻曾在處境劇《愛．回家》中演過兄妹，稍後竟將升呢扮演母子，蔣家旻笑說：「因為我飾演龔慈恩嘅年輕版，其實同羅天宇係冇對手戲。」羅天宇則笑說：「以後都叫佢做阿媽！好彩冇乜對手戲，如果唔係都幾奇怪。」
另外，蔣家旻被問到聖誕節會否約緋聞男友麥秋成慶祝？她說：「我會約佢跳舞，但下場佢會唔會約我食飯就唔知喇！不過，唔會喺平安夜、聖誕同Boxing Day約佢囉！」問到可有發展機會？她說：「佢應該係單身，我都係，我都畀咗羅天宇好多年時間，但佢都對我冇興趣，真係好無奈。」羅天宇聞言笑說：「咁我Boxing Day約你啦，哈哈。」他又表示因新劇要騷肌，故不敢在聖誕放肆狂吃，又透露劇中與龔嘉欣有「愛情」戲，但笑指未知有否「動作」場面。