樂壇小天后Camila Cabello尋日接受電台節目訪問時自爆係「三隻手」，仲話上個月參觀英國肯辛頓宮時撻嘢：「我同阿媽準備見威廉王子同凱瑟琳，而我就同阿媽講：『你點都偷啲嘢！偷嗰支鉛筆！』好開心終於講出嚟！過去三星期都因為咁而瞓唔着。」節目播出後，電台即「篤灰」喺社交網轉載Camila爆料片段，仲Tag埋肯辛頓宮。