佐敦欠債800萬宣布破產

近年屢傳財困的佐敦，有傳欠債高達800多萬港元，原本身家約4.52億港元的她，前日被倫敦法庭宣布破產，估計要被變賣位於薩塞克斯郡西部的9房大宅填氹。

宣布破產前，佐敦於周一搭火車被捕獲，邊飲酒邊向其他乘客破口大罵前夫Peter：「我聽日就破產喇！但我唔會因為咁受到困擾囉！我知道會有呢一日，因為我帶佢（Peter）上法庭，佢係史上最差嘅人！」相信是指與前夫涉及多宗官司及需賠償給對方，導致身家蒸發，難怪她表示終於解脫：「我真係等唔切！我知道唔應該咁講，其實對我嚟講係好事，比起每月要畀2,500英鎊個仆X英國稅務海關總署仲好！」又自爆曾獲邀參加跳舞真人騷比賽《舞動奇迹》（Strictly Come Dancing），但嫌薪酬不夠高而未有成事。

去年財困 賣整容短片賺錢

其實今次並非佐敦首次破產，早於2002年因欠下420萬港元稅款，被英國稅務局頒令破產，變賣她的大宅。去年，她再次傳出財困，結果要向傳媒兜售其拉面皮整容手術短片來賺錢。

佐敦出名是個超級大花筒，月花約120萬港元請管家、保母與園丁，每年又花約25萬港元整容，每周豪使1.5萬港元修甲及約1萬港元理髮，按摩都日花約8,000港元。