關楚耀早前接受TVB娛樂新聞台節目《StarTalk》訪問，大談推出新歌《樹窿》的感受：「我好Chill，一啲都唔慘情，監製就將個編曲改成好似八、九十年代嘅日本動漫《男兒當入樽》咁，聽起嚟有種熱血同澎湃嘅感覺，錄音時仲抒發到情緒，好爽！」平時他喜歡以唱歌、做運動及與媽咪傾偈來抒發情緒：「我同媽咪嘅溝通方式係互相頂吓嘴，佢會同我啲朋友一齊出嚟食飯唱K，有時佢會少少黑面，將啲小事放到好大，哈哈！」
