黃建東被笑好營養
黃建東前晚偕媽咪錄影無綫節目《流行經典50年》，自彈自唱之餘，還母子檔跳探戈：「媽咪第一次上電視，8年前佢喺一廠睇我參加香港先生，估唔到有機會一齊上台，我哋練咗成個月。」更指舞蹈中要抱起媽咪，被叮囑不要甩手。對於媽咪的低胸舞衣，他忍不住取笑一番：「朋友睇完媽咪着條裙嘅相，話知我點解咁好營養！」
同場的陳敏之談及《解決師》大結局，笑言與唐文龍終開花結果：「上次《溏心風暴3》同佢好悲慘，但今次唐詩詠同王浩信慘啲。（網友唔滿意結局。）唔捨得佢哋啫！一定有人讚同彈，套劇收視同口碑都算OK！」
