譚俊彥踢爆狄龍旅行匿喺房

譚俊彥昨日在電視城為新劇《失憶24小時》開工，他表示監製錫住胡楓與姜大偉兩位前輩，每日開早班，晚上12時已經收工，毋須捱夜：「監製唔想我哋殘樣，安排拍得好舒服，個個都好精神，開工前我仲可以去跑步，前幾晚收早，仲帶小朋友出街食晚飯。」新劇拍到1月，農曆新年休息，他說會趁機家族旅行：「呢件係大事件，要搵間酒店畀阿爸（狄龍）匿喺酒店房，佢有人群恐懼症，所以好少去旅行，阿媽就安排佢去Shopping。」至於他開設的食肆，在市道欠佳的情況下多做外賣，總算捱得住。