Yanny廚藝精「箍」實男友

女子組合Super Girls成員Yanny為香港開電視節目《30分鐘大放餸》任嘉賓，炮製四款東南亞菜式，與主持盧頌恩（妹頭）大談入廚心得，坦言女士要有好廚藝，才能成功「箍」住另一半！問到會否用美食冧男友陳考威？Yanny甜絲絲表示男友最愛牛油雞翼，平時會謝絕男友入廚幫手：「我嘅另一半，超級有口福，佢未開口話肚餓，已經煮定晒嘢食，最難忘有次整咗壽司卷，因為把刀唔夠利切唔開，最終佢要成條壽司卷咬住食。」妹頭自嘲廚藝麻麻，笑言會向Yanny拜師學藝。