樂壇新人施匡翹昨日到電台宣傳新歌《初心》，是她首次於電台節目內唱Live。提到現時修讀幼兒教育，她自爆曾因壓力大而爆喊：「有好多功課，特別係要做手作，同時要兼顧唱歌，忙到連休息時間都冇，屋企人仲話我好少喺屋企！有次準備功課準備到喊，但見到自己當初寫低嘅一句唔好忘記係點開始，即刻積極咗！」
她又透露曾考慮休學一年：「好多同學、老師都係咁叫我，驚我成日請假影響學業，我想做歌手，但又諗自己真係好鍾意幼兒教育，希望他日借知名度幫小朋友，於是決定咬緊牙關撐埋落去。」
