超雲覓新歡？陳山聰：喜事值得恭喜
陳山聰昨日到電台受訪，提到正趕拍無綫劇《大步走》，預計月底拍竣。問新婚太太有否詐型？他說：「冇，佢都明白，我之前放假就係為咗結婚，拍完劇就去登台，12月同李施嬅、馬德鐘、陳煒飛美國，太太唔去，5日行程好趕。」他笑言多得話題劇《金宵大廈》帶挈有不少工作，大為感恩，但度蜜月要延至明年中：「我哋想去意大利一個小島，未去過，朋友話呢個地方喺冬天冇咩嘢睇，所以夏天先去。」
昨日傳出何超雲已有新歡，對於舊愛爆新戀情，山聰說：「冇留意，任何人有喜事都值得恭喜。（傳訊息恭喜對方？）唔好影響其他人喇！我都結咗婚！（你結婚，超雲有冇送祝福？）唔回應喇！」另外，《大》劇拍檔姚子羚被指因失戀變「紙板人」，山聰指她本身吃素、吃得少，加上拍《大》劇辛苦，但沒有見她不開心，又讚對方硬淨，太太煲湯也會預她一份。