韓國天團Big Bang成員太陽與大成昨日退伍，獲數千粉絲冒寒迎接！兩人準備禮物，送抱又影合照冧粉絲。問到組合今後的工作計劃，太陽笑指是很需要智慧的問題，會與隊友謹慎考慮。
太陽與大成分別於去年3月12及13日入伍，本來分屬江原道鐵原青星部隊及江原道華川共贏部隊，但由於早前江原道出現非洲豬瘟，兩人改到龍仁陸軍地上作戰司令部參加退伍儀式。雖然當地體感溫度低至攝氏1.3度，仍有數千名來自各地的粉絲從凌晨開始到場等候偶像。
兩人現身時向記者及粉絲做出敬禮手勢，被問到退伍心情，太陽說：「喺軍隊裏面度過咗好有意義嘅時間，多謝20個月嚟帶領我嘅幹部同戰友們。」大成則表示服役期間學到很多東西：「係平時喺社會生活度感受唔到嘅，我想同一齊捱苦嘅戰友講，我仲好愛你哋！」
至於Big Bang的T.O.P與隊長G-Dragon，已分別於今年7月及上月退伍，代表組合所有成員皆服完兵役，問到組合今後的活動計劃，太陽說：「呢樣嘢需要好大智慧，我哋會努力考慮，收集成員嘅意見，我想畀大家睇到喺當兵期間見唔到嘅一面。」其後，太陽與大成走近粉絲打招呼，又向他們派發零食及親手寫的明信片，還大方送抱兼影大合照。
太陽在Instagram上載多張軍服照，將於明年2月20日退伍的男星高庚杓留言：「恭喜恭喜，我都好快跟住出嚟(口架)啦！」但太陽竟回覆：「庚杓呀……嗰一日……會來嗎？」後面還加上喊樣，十分爆笑。