鄭俊弘：雪我嗰啲先！

Fred獲歌迷會筵開20多席賀壽，適逢鄭母農曆生日，兩母子一同慶祝，他更當眾錫母親臉頰。雖然女友何雁詩未有現身，但他指連日來都與女友及親朋食飯。講到生日願望，他表示最緊要開心、健康和平安，問到可包括結婚人生大事？他說：「又唔會冇計劃，但未知幾時，希望40歲前啦！」至於女友可等得切？是否需要雪卵備用？他即抵死笑說：「唔使，佢仲好後生啫！可能雪我嗰啲（精子）先，不過我都後生，Keep住做運動冇問題。」

晒「一家六口」全家福

問到女友送了甚麼生日禮物？他即高八度說：「冇喎！冇所謂，我都冇送畀佢。（佢送成個人畀你？）係呀，我哋情人節都冇送禮物，我哋鍾意簡單。」

日前Fred親自下廚煮生日飯，與女友上載相片放閃。見他似足準女婿般與女友父母及愛犬「一家六口」全家福，何雁詩攬實他合照，並配上巨型心心圖案，同場還有好友羅天宇、譚嘉儀及張子丰等。此外，何雁詩再上載一張作狀用腳踢他的相，高調放閃留言：「35+1我愛你！」講到生日飯，女友如女主人的身份？Fred笑說：「係呀，佢負責招呼朋友，我負責煮，佢平時都有煮嘅，廚藝都犀利！」

提到歌手得寵才會獲公司開生日會？曾被雪藏的Fred說：「年年都Keep住開冇斷過，只係未必係正日搞！（證明公司錫你？）不嬲都錫我，我都好錫公司。」