結婚7周年 張頴康幫老婆止癢

藝人張頴康昨日現身「銀屑閃跑」活動並擔任頒獎嘉賓，身為銀屑病患者的他希望藉演員身份讓更多人認識這個病，而他現時靠生物製劑治療，病情已受控達百分之九十以上：「我心態上做咗最壞打算，如果個病唔可以斷尾，我會正面去面對，唔好當佢係病，當係朋友。」他透露最初要一星期打兩次針，現時可以個半月才打一次，每月費用為3,000元：「記得12、13年前要兩、三萬打一針，當年我啱啱訓練班出嚟，邊有錢打針？」