羅仲謙冧招盡出溝掂張曦雯
藝人羅仲謙於新劇花盡心思奪張曦雯芳心，最終有情人終成眷屬。謙仔笑言自己「從未如此浪漫過」，現實生活中與太太楊怡恩愛非常，難怪他拒絕「孔雀開屏」，冧招最多只用在老婆身上。
羅仲謙與張曦雯日前游走多處「放閃」，拍攝無綫劇《木棘証人》殺青戲。二人先到中環碼頭談心，再往皇后大道中拍拖買叉燒飯，繼而上山頂吹吹風，最後關係升呢大團圓結局。謙仔直言拍了從影以來最浪漫的戲份，但拒透露詳情：「留番畀觀眾到時睇啦，總之追女仔嘅配套係我從未遇過。（現實中試過咁樣追女仔？）我本身唔係浪漫嘅人，依家先知可以咁，不過都結咗婚，用唔着啦，最多咪氹吓老婆！」問到張曦雯可遇過這樣的「浪漫男」，她笑言：「如果有男仔咁對我，我諗我接受唔到，毛管戙呀！」
最想瞓餐飽
二人異口同聲形容台前幕後和諧到極點，張曦雯說：「雖然今次拍攝唔算好辛苦，但有輪住每個人連踩兩、三日，我覺得好眼瞓嘅時候，隔籬總會有人喺度搞笑，不停講嘢幫我提神。」並大讚謙仔：「佢好細心，同埋好照顧到大家。」謙仔亦「禮尚往來」睇好女方前途無限：「女神喎，遲啲不得了！」
問到拍完劇集最想做甚麼？謙仔笑言：「最緊要瞓餐飽先，跟住約台前幕後食飯，希望有緣再會，已經講明幾位主角做Boss。」曦雯則內疚稱：「我媽咪好少返香港，最近佢喺美國返咗嚟，已經成個星期冇時間陪佢，好彩拍埋今晚，接近一個月後先再開新劇，會盡量陪佢去吃喝玩樂。」