與意國殿堂級歌手合作 李幸倪挑戰難度
歌手李幸倪（Gin Lee）昨日到電台宣傳新碟的第二版，表示多了4首新歌，分別與兩位外國音樂人合作，包括英國DJ Jax Jones及意大利殿堂級歌手Eros Ramazzotti，每首歌都有廣東話及國語版。
她表示新碟想與不同地區的音樂人合作，但今次合作有很多難度：「呢件事上年已經籌備緊，但因為大家工作節奏好唔同，又有時差，佢哋每樣嘢都好嚴謹，所以啲嘢一來一回都搞咗大半年先成事。（當中好心急？）係呀！其實MV上月已經搞掂，但一直都未出，所以我隔幾日就問同事，同事就話因為嗰邊未覆。」她又透露因為Jax Jones不出鏡：「佢有個代表佢嘅公仔頭，所以要等佢由英國寄個頭過嚟，再搵個Dancer戴上拍MV，我哋仲要好小心，唔可以整爛。」