章子怡騎劫耍出「國際章」！

都話「國際章」章子怡堅識打「國際章」！一早被踢爆有第二胎，但佢同老公汪峰唔講唔提做「忍者」，去到日本終於忍者出招，騎劫成個東京國際電影節，喺全球傳媒面前宣布有B，連報喜都要玩國際化，所以呢胎如果咁Lucky「起雙飛」又生女亦冇所謂，乜彩都攞晒啦！睇怕大女叫「醒醒」，呢胎應該要叫「威威」！

個影展講乜？真係要講句日文「個咩啦西」，唔好意思，Who Cares？瞞足7個月嘅章子怡，勁過多啦A夢個百寶袋，個肚收放自如，去到東京先解放現形，真係用心良苦，唔知下一步會唔會玩直播生B剪臍帶，等全球77億人口，同埋正宗外父相、孭住3個女嘅汪峰打氣，分分鐘臨出閘，由Queen變King！