韓國男團CNBLUE的30歲主音鄭容和昨日退伍，獲超過1,000粉絲迎接，已很久沒有演出的他透露將在12月開騷，又自爆是人氣女團TWICE的粉絲。
鄭容和前年1月捲入特權入學風波，後來獲證清白，很快便宣布於同年3月入伍，完成基礎軍事訓練後，因為表現出色，獲派到江原道的特工聯隊服役，成功洗底。他昨日參加退伍儀式，逾千粉絲一早到位於江原道華川郡迎接。
身穿軍服的鄭容和在粉絲及記者面前做出軍人的敬禮手勢，感謝大家在寒冷的清晨下到來迎接，他指在訓練及服役期間，雖然辛苦，但獲益良多：「軍隊生活畀咗我進一步發展嘅機會，服兵役嘅時間絕對冇白費，除咗體力有提升，意志力都變得更強，依家退伍要與同僚分開，雖然感到可惜，但我會活用喺軍中學到嘅嘢，希望今後可以成為帶畀大家幸福嘅藝人。」
問到在軍中最愛看哪個女團的影片？鄭容和笑言是TWICE：「好像比歌手活動時認識了更多女團！」自言很想快些演出的他又應要求即席清唱歌曲，現場粉絲立即拍手歡呼。他又透露復出計劃：「我會喺12月舉行演唱會，好耐冇演出喇，但我有抽時間練歌，我會努力打造最好嘅演唱會，大家等咗咁耐，我會努力報答大家。」