黎瑞恩開騷當講古分享甘苦

昨日黎瑞恩（小恩子）一身Pink Lady造型現身澳門，為11月30日假澳門新濠影滙綜藝館舉行的首個演唱會《快樂有恩Smile With V巡迴演唱會—澳門站》舉行記者會，向主辦商及製作團隊送上行李箱、電單車靴、BB衫及智能眼鏡等貼心物品，感謝團隊為她精心打造全新個唱。

跳舞似甩手操

小恩子表示澳門騷和去年紅館個唱的歌單、造型完全不同：「好甘呀！因為係9月頭先決定做，依家連Rundown都未度好。（叫排舞師排少啲舞畀你？）留畀佢哋跳，我跳似甩手操，我唔能夠跳太多，以歌藝取勝，因大多數朋友都係嚟聽我唱歌。」至於在澳洲讀書的一對子女，因沒有假期未能捧場。

對首次在澳門開騷，她說：「廿幾年前有去做騷，但演唱會係第一次。同埋以快樂為主題，我成日都好快樂，唔會理人，做自己開心嘅事就得。（個唱想帶快樂畀人？）會以一本書嘅形式，去講故事咁，遇到咩事都會開心同正面面對。其實做人想法唔好太極端，唔好沉淪喺唔開心情緒入面，有時要換個角度去睇，可能會另有一番新景象。（因為現今香港社會狀況？）唔係嘅，人生入面家庭、愛情、工作都會有呢啲問題。」

叫湯記澳門開騷

提到好友湯寶如和蔡一傑的演唱會先後取消，小恩子無奈說：「好慘，唔緊要嘅，我諗佢哋係延遲唔係唔開嘅，或者佢哋嚟澳門開先。（請佢哋做表演嘉賓？）好喎，都可以呀！」今次個唱以澳門為首站，希望能到內地、馬來西亞或美加巡演。

（記者衛紫敏澳門直擊）