陳柏宇怨朋友傷女割席！
歌手陳柏宇（Jason）昨日出席聖誕節活動，談到今年「十大中文金曲」頒獎禮取消，原本大有機會上台領獎的他覺得有好亦有壞：「唔好係少咗曝光機會，同埋呢個係每年一度畀歌手嘅肯定；好處係返少兩日工，不過公司可能又安排其他工作。」
講到囡囡Abigail早前在太太的朋友家中誤觸捲髮棒燙傷三隻手指，他指傷勢已無大礙，但心痛又氣憤，嬲了太太的朋友：「明知有小朋友喺屋企，仲將啲嘢亂咁擺，一啲危機意識都冇！（鬧佢？）冇，冇睬過佢囉！」另外，太太符曉薇在社交網上載短片，投訴囡囡同爸爸玩就笑騎騎，但不小心用高爾夫球棍打中媽媽，就沒理會她，反而直奔爸爸懷抱詐嬌，又指老公不在家時，囡囡就扭計爆喊，擺明欺負她！