諸葛追女囉囉攣：又係仔點算？

諸葛紫岐與Neway太子爺老公薛嘉麟（Ernie）昨日出席沙田馬場舉行的「莎莎婦女銀袋日」，最近甚少在社交場合露面的Marie透露忙於照顧兩個兒子，但不算辛苦：「大仔要返學返全日，所以都OK。（佢有冇蝦細佬？）冇，佢好錫細佬，細佬肚餓就會幫手餵奶，換片都識，完全冇問題。（有個好幫手？）係，我教得唔錯。」

嫌食療唔靠譜

問到是否有意追個女？Ernie笑言要問大仔，Marie卻明言不想：「我想生女，但追多個都唔係女咁點算？（唔係又再追囉？）唔好咁對我，做媽咪好辛苦。（唔會封肚住？）好難答，我係想有個女。（試吓靠食療生女？）冇用o架！我有朋友生咗四個仔，佢想靠食療追女，但第五個都係仔，好慘，雖然係開心，但好嘈，小朋友打嚟打去，佢叫我唔好諗（靠食療），放鬆啲。」寵妻的Ernie認為順其自然，太太愛怎樣就怎樣，Marie坦言照顧小朋友要花不少時間：「大仔都OK，但細仔又嚟，生孖胎最好，可以一次過，好羨慕人哋生孖胎。」

張曦雯攞貼士投注

同場的張曦雯以形象大使身份上陣，身穿粉色吊帶長裙配帽飾，造型優雅，她說：「花咗一段時間打扮，好榮幸可以成為形象大使，之前係李佳芯、岑麗香，今年終於輪到自己，願望成真，因為覺得做大使好靚，傳統上要戴帽，我未試過咁嘅造型。」又表示會趁機投注，因為相信在現場會得到不少貼士。另外，藝人曾志偉的名駒「表表馬」昨日在第三場出賽，志偉捧場支持愛駒，惜未有奪得名次。