黃俊豪200磅肥仔變Fit爆模特兒

模特兒黃俊豪（Jeremy）憑健碩身形及俊朗外表，成為廣告界寵兒，近日更正式加盟成為邵氏兄弟旗下藝人，由模特兒轉型為演員。但原來他從小到大都是個肥仔，體重最高峰達200磅，直至出國留學受同輩影響才的起心肝減肥 ，他說：「以前肥到38吋腰，讀中學仲畀同學改花名叫『肥豪』，但去到外國讀書，見到一齊打波啲鬼仔好Fit，我就開始注重飲食。」
又靚仔又Fit的黃俊豪，轉型做演員。
又靚仔又Fit的黃俊豪，轉型做演員。

Jeremy笑言減肥後形象相差太遠，連好友也幾乎認不出他：「最初返嚟香港，舊同學都唔太認得我，以前實在太肥，同埋依家無論點忙，每日都要抽時間去做運動，爹哋媽咪都畀我影響到食得好健康。」

細細個學人擺大隻佬甫士。
  • 細細個學人擺大隻佬甫士。