湯怡去年與洪卓立分手後，一直未有新戀情，日前她上載揭高上衣晒肚皮的「見肚照」，自爆要影「大肚寫真」，令不少網民震驚，她留言：「好多人大肚都會影寫真，我都唔例外。呢個肚，係9月底喺巴黎時裝周養大嘅，短短幾日食到4個月咁大，之前喺香港試嘅衫，去到嗰邊連拉鏈都拉唔埋，惟有改着另一套。我真係好鍾意食嘢，亦可以食好多。食得是福嘛，食完開心完咪再減囉！」
