郭晉安都讚好！何遠東做「阿旺」接班人
視帝郭晉安前日聯同譚俊彥（Shaun）及何遠東到長沙灣拍攝新劇《失憶24小時》，劇中東東飾演安仔的胞弟，只得10歲智商，三人在停車場拍攝抹車戲，講述安仔脫口喝令東東，嚇得他驚青扁晒嘴，要安仔送抱呵番。
對於飾演低智人士，東東直言「細細個」已經看過安仔「稱帝」經典作《戇夫成龍》的阿旺，深感佩服，問安仔有否教路？安仔即說：「唔使，佢演得好好！完全冇問題！」東東表示要演得好相當困難，拍攝前自己亦有探訪相關人士，覺得他們很直接、單純，問有否信心角色會爆出？東東謙虛地說：「時也命也啦！最緊要成套劇好。」
譚俊彥嚇親囡囡
而Shaun表示每日開工都很開心，並笑言劇中跟安仔有疑似HeHe情，有互摸屁股戲份，大呼過癮！講到日前萬聖節，他表示有跟一對仔女應節慶祝：「臨瞓時我戴住南瓜頭套出嚟，可能太恐怖，搞到個女喊，個仔就未識驚，好開心跳吓跳吓。」
