前亞姐張珮汶昨晚低胸性感亮相《2019亞洲小姐香港區決賽》，透露女兒已8個半月大，並開始返Playgroup，她亦已計劃生第二胎：「兩個起三個止。（想追仔？）仔女都好，隨緣。（開始努力未？）我隨時Ready，同個女相差一年都OK，如果遲啲先大肚，個女知咩事可能會唔開心。」更指於後台遇見一班候選佳麗，也心郁復出幕前，但首要照顧好女兒才作打算。
至於擔任評判的羅霖，睇好張雯、羅思雅及吳玥彤，指若眾女表現沒有出錯，相信也很大機會跑出，回想首日會見一班亞姐時，她坦言不禁大吃一驚：「唔係因為靚，係真係都幾得人驚！依家執咗啲艷光出晒嚟，會睇得出邊個會攞獎。」而已轉戰經商的筱靖表示位於銅鑼灣的德國餐廳，近日因社會運動影響蝕大本，要關門大吉：「依家只係剩番大圍嗰間！（蝕咗幾多？）我都蝕咗7位數字離場。（社會運動後再開？）再開都唔揀香港區，因為租金太貴！」