將於月底開處女騷的譚嘉荃，昨日到新城電台宣傳，問為何不閉關排練？她笑說：「都要嘅，但盡可能出到嚟宣傳都會做，公司都想多啲曝光率。」並透露日日做Gym操弗：「之前排咗頭一段跳舞Medley就喘晒氣，要鍛煉好啲。（減磅？）冇刻意減，但太大壓力，冇胃口瘦咗好多，條腰得番24吋。」對於近日不少演出因社會問題而改期或取消，她表示未傾到Plan B，但坦言不想有變動。
