李龍基享受掌聲 唱夠200場

葉振棠專執錯處

他們預告八成歌會跟上次不同，李龍基又講笑將組合改名為「男團200」：「即係從上年嗰次開始數，一路唱夠200場，每年開一次。」陳浩德笑說：「咁大年紀都要做？」李龍基則揚言很享受：「呢啲唔係做，係享受，表演完聽到掌聲雷動，企喺台上嘅滿足感係錢買唔到。」問是否永不言休？葉振棠笑言要退一早退了，陳浩德說：「有好多海外嘅朋友，畀埋機票、食宿、利是，幾大都去！我同太太仲孭埋Golf袋去，所以唔需要退休。」

相識多年，在台上可會互爆大鑊？陳浩德笑說：「我最細，佢哋會錫住我！喺佢哋面前最開心，因為平時人哋叫我德哥、德叔、德爺爺，我孫都有兩個，但喺佢哋面前我叫德仔。」身為大哥哥的葉振棠笑言要爆都是爆好事，李龍基即大讚：「呢位大哥哥真係冇得頂，佢對音樂非常執着，音樂上嘅錯處，佢會即刻糾正我哋。仲有最好就係，我哋需要嘅音樂搵佢就掂，隨時可以幫我哋。」

陳浩德打Golf養生

三人身形都算不錯，李龍基表示身體好，把聲自然靚，又分享養生心得：「要控制飲食，瞓多啲，同做少少運動，每日半粒鐘，緩步跑就夠，同埋心情一定要靚，要保持開朗。」陳浩德亦愛運動：「如果唔打吓Golf，唔做啲運動，我諗真係唱唔到歌！」