釗峰送有味舊衫冧粉絲

歌手梁釗峰昨日出席保險業慈善籃球賽活動，與魔術師甄澤權、歌手馮允謙及林曉峰等齊齊落場打波。釗峰透露今年是C AllStar出道十周年，將與粉絲搞聚會，四子一定齊人出席：「Fans問定我哋十年回憶、着過嘅衫同出騷相，應該想畀驚喜我哋。（想搞喊你哋？）我哋依家冇咁易喊！我哋都準備禮物送番畀Fans，我會送好耐之前去重慶天梯着過件衫，洗過同聞落仲好乾淨，或者到時即着加番男人味。」甄澤權則表示自從獲頒十大傑青後，獲不少慈善機構邀請分享人生，感覺很有使命感，即將帶團到美國洛杉磯及三藩市睇魔術的他，對能夠有機會入魔術城堡感興奮。