鄭世豪委屈到喊「禮儀先生」都冇得撈
鄭世豪入行至今18年，直到六年前在歌唱節目《星夢傳奇》奪亞軍才為人認識。一心做歌手的他，未成名前獲安排做頒獎禮的「禮儀先生」，回想辛酸不禁熱淚盈眶。
無綫處境劇《愛．回家之開心速遞》的「細龍生」鄭世豪，自小喜歡唱歌，當年考入無綫第17期藝員訓練班，一心想入行後轉型做歌手。懷着歌手夢去當演員，他曾在劇集《皆大歡喜》古裝版中演出逾30個不同角色，但依然無人認識。
正因為珍惜每一個演出機會，世豪被公司挑選成為「禮儀先生」，專門在大型活動引領嘉賓上台，只能間接「參與」不同大騷，令一心當歌手的他感到有落差：「去頒獎禮係最難受，自己想做歌手，但身份係禮儀先生。」他眼紅紅續說：「我開過一部劇叫《滙通天下》要剃光頭，但公司都照Book我做禮儀先生，呢次應該係我人生推嘅第一個通告，之後呢類型嘅工作全部冇晒！我自問咁多年冇請過假，仲要覺得我唔聽話（推Job），點解會咁呢？」
圓歌手夢：賺晒有凸！
直到2013年，無綫舉辦歌唱節目《星夢傳奇》，世豪幸運地以挑戰者身份參與比賽，最終憑實力奪得亞軍，因而被觀眾認識。回想最初，他坦言似發了一場夢：「由最初只係想唱一首歌，到最後可以入到決賽，我絕對係賺晒有凸！呢個比賽可以完成到我當初入行嘅夢想，就係可以成為一位歌手！」
https://bit.ly/36ljPt3