陳貝兒相睇 兩三個啱Feel
陳貝兒昨日抱病到新城電台受訪，講到由她主持的《嫁到這世界邊端3》播出後口碑不俗，收視更超越上兩輯：「不過發現每次節目出街我就會病，上年播《嫁2》就腎有事入院，今次睇咗三次醫生都未好，但如果病得嚟個反應會好，我又唔介意病。」
她笑言私下有跟三輯人妻開了一個「人妻同學會」群組：「有成20幾個人妻，日日都好嘈，會講煮嘢食、湊仔心得。（有邊個地方你會想嫁過去？）搵到自己鍾意嘅，嫁到非洲都OK！雖然非洲啲男人好大男人，但換個角度睇，嗰種係男兒氣概嘅承擔。」又自爆有人妻不斷幫她安排相睇：「喺Group介紹佢哋老公啲表哥、表弟畀我，暫時都有兩、三個，做住朋友傾吓偈先。」