張振朗不再孤伶伶 有得溫馨

藝人張振朗、龔慈恩、曾偉權等昨日為《牛下女高音》宣傳，眾人以萬聖節服裝亮相，又大玩升Key唱歌遊戲，最後由唱得之人蔣志光及黑妹獲獎。

無謂打搞心穎

之前因黃心穎缺席宣傳，令張振朗孤伶伶，昨日劇中另一對手劉溫馨首度上陣，振朗感慨地說：「今日終於有個女伴。」續說：「溫馨喺尋晚嗰集終於出場，佢幾sharp，好多前輩都話原來佢好靚女，因為阿雪（黃心穎飾演的角色）不修邊幅，有個反差。（有冇聯絡心穎？）冇，我相信佢有睇，唔去打搞佢。」對於龔慈恩稱要預定下套劇由振朗飾演其兒子，振朗笑言最近才知道她原來是《西遊記》中的靚女觀音。

牛下中佬雖然唔齊腳，不過現場氣氛一樣高漲。

龔慈恩點名張振朗做其兒子，昨日就預演一幕母慈子孝。

劇集收視不俗，龔慈恩預計會有慶功飯局，又指女兒林愷鈴也有收看：「佢有睇到笑。（母女合作演出？）之前有好多類似機會，囡囡未必有咁長時間拍攝。（想喺劇中飾演母女？）佢唔想，我喺度佢會有壓力。」

曾偉權長期服藥

此外，早前曾偉權的肺部免疫系統出問題，他稱現休息中，要長期服藥，病情會影響拍劇時講對白的呼吸、節奏及口齒，只能選擇客串演出。