未使執皺紋許廷鏗：仲頂得住

許廷鏗前晚在戲院舉行新碟《拾》優先場，新碟有10個封面，其中一個笑到見牙唔見眼，他笑說：「呢個笑容係最熟嘅朋友先見到。（執吓啲笑紋？）冇，依家仲頂得住，過多兩年就可能有少少。」又自爆活動前重聽了一次新碟，聽到眼濕濕：「隻碟叫《拾》，係畀我拾回初衷，諗番出道嘅時間，有感而發到人生真係有幾多個十年！（再搞小型音樂會？）構思緊以咩形式，唔需要大製作，或者去十個同Fans有共同回憶嘅地方唱Live。」