緋聞女友陳婉衡擔心傷勢
於圈中甚少緋聞的羅浩銘，唯一去年因陪陳婉衡睇樓而惹緋聞。對於Ken曾受如此重傷，陳婉衡大感愕然：「我啱啱喺外國返嚟，你哋講先知，好彩依家冇事，聽到朋友有咁嘅經歷當然係擔心同唔開心，希望佢唔好再遇到呢啲意外啦！」談到Ken如此拚搏，她大讚對方是一位很專業、對工作非常有熱誠的動作演員，但卻不敢勸他錫身：「始終大家只係朋友，只希望佢萬事小心。（你哋唔係發展緊？）由始至終都係朋友，呢排仲各有各忙，比較少啲見面。」
剛在愛爾蘭拍攝無綫旅遊節目《3日2夜》的她，此行與閨蜜簡淑兒同行，別看兩女經常結伴外遊，但原來工作上出埠只是首次，近日更於社交網晒拍攝花絮，陳婉衡還留言指與簡淑兒相識7年的首個Trip，寄望拍攝過程順利，即使返港後也能與對方友情不變。