諗過考警隊受阻阿叻：秀姑嗌離婚！
藝人陳百祥（阿叻）昨晚到電視城出席《善心滿載仁愛堂》記者會，講到日前往警署打氣的短片在網上瘋傳，片中他指若自己做警務處長，一早已開槍，引來廣泛討論，他對此說：「呢個世界一向有唔同意見，我唔係教人點樣做，亦唔使人教我點做，呢啲就係民主自由。（你真係有興趣做警務處長？）68年時考過警隊，但我一話做，秀姑就話離婚，朋友笑我會『升官發財冇老婆』。（你贊成警方早啲開槍？）開唔開槍係制度問題，見到暴徒掟彈令人成身燒着晒，咁樣唔開槍呀？既然暴力升級，警方都要升級。」又認為馬蹄露及任何人遇襲都無辜。
早前譚詠麟（阿倫）撐警同樣引起議論，問到會否擔心有同一遭遇？阿叻說：「我膽生毛，驚咩呀？我上冇高堂，下冇子女。（有冇餐廳拒絕你入去？）有人話如果我入去，放低錢幫我埋單呀！」
陳庭欣結婚沖喜？
同場的陳庭欣日前開車時被的士撞車尾，她表示沒大礙，但直言近半年運氣差，可能要找玄學家指點迷津，問到若對方提議結婚？她說：「睇吓係咪幫到，但唔係我話結就結！（男友心痛？）唔知呢，咁佢都好擔心。」至於丁子朗在新劇《解決師》大騷肌肉，他表示是監製要求：「本身有肌肉喺度，但拍嗰陣操行啲！（你嘅肌肉定係馮盈盈露背吸引？）冇得比，就算佢除衫，大家都留意佢個樣先，因為太靚！」
