楊思琦升Cup逼爆衫呻咪咪太重
藝人楊思琦、黃浩然與黃建東等前晚出席頒獎禮，早前宣布懷孕的思琦穿低胸裙谷出F Cup暴乳，笑言不止升了一個Cup，咪咪很重！
佗有第二胎的思琦不錫身繼續工作，前晚出席活動時，更大晒F Cup暴乳，她笑說：「升咗Cup，仲唔止一Cup，總之好重！好多衫都唔啱着，要買過晒。」問到是否肥了不少？她說：「手腳差唔多，係肥晒喺個身度，向橫發展，件衫好似就嚟爆開咁！」已是一女之母的思琦指今次佗B比第一胎辛苦，因早前頻撲飛外地，又要到內地工作，問到何時才休息養胎？她說：「11月都要再飛，冇休息嘅時間表，有輕鬆嘅工作就做。（老公擔心？）盡量一切小心，都有叮囑嘅，要提自己節奏慢啲。（老公唔陪你工作？）各自努力啦！（係咪佗仔，所以辛苦啲？）遲啲再講畀大家知，可能休息唔夠，之前飛得太密。（家姐知道係細佬定妹妹未？）佢都未知，但叫咗佢一定要好錫BB。」
黃浩然影視雙棲
同場的黃浩然最近簽約古天樂旗下的經理人公司，有指他離巢無綫再戰影圈，他澄清：「一路同TVB有合作，仲有兩套劇《多功能老婆》同《法證先鋒IV》未出街。其實過去一年已經係老婆幫我做Management，同TVB一直係藝員約，之後會繼續拍劇。今次簽經理人公司覺得自己對電影仲有個夢，會電影、電視兩邊兼顧。」又稱與古天樂相識廿載，在偶然的機會下傾談，結果一拍即合。有指他意興闌珊才離開無綫，他即說：「唔好打爛我飯碗！雖然我唔係『親生仔』，但珍姐（曾勵珍）一路畀好多機會，病咗又畀好多鼓勵我，之後會繼續拍劇、電影兩邊兼顧。」