黃芷晴爆老竇 送花反捱鬧

藝人黃芷晴昨日戴上以保鮮花製成的禮帽出席活動，她笑稱感覺似名媛，並指母親梁潔華是愛花之人，希望學做保鮮花送給她。問到父親黃日華可有送花給媽咪？她即踢爆父親瘀事：「媽咪有少少迷信，覺得紅色花唔利佢。有次情人節，阿爸送咗束花畀媽咪，入面有朵紅色花，即刻畀媽咪鬧！（咁爸爸點？）頭耷耷囉！之後阿爸又送花，重點係畀我見到又有紅色花，我即刻幫佢剪走，好彩佢畀我過目！」