歌手陳蕾昨日到新城電台宣傳新歌《熒光》，她興奮指獲不少同行朋友讚賞及轉發MV宣傳，包括許廷鏗、衛詩、鄧小巧等：「大家都感受到我注入首歌嘅力量，好真實咁紀錄喺低谷企番起身，好開心做到透過音樂為大家帶嚟正能量。」講到低潮期，她坦言是去年自家獨立音樂品牌「自由意志」發生人事變動，令她頓感失去重要倚靠：「有反省係咪自己做得唔夠好、唔夠細心，當時將自我價值擺得好低，冇晒自信，依家要修正自己。（加入新公司有番倚靠？）份倚靠係自己畀自己，有自信，公司、身邊朋友先會相信你。」
