亞洲電視近日又傳財困，涉及3.7億元債項，身為前亞姐冠軍兼仁美清叙榮譽主席的羅霖，昨日聞得消息即嘆氣：「又係咁！亞視一次又一次欠債，就算重組、或者有新老闆都係咁，可能係本身欠缺人才，冇自己製作節目。重新搞亞視係需要大量資金、人才，亦需要承擔一段長時間，唔係短時間可以見到效果，要一個好有實力嘅投資者先得。」
而亞視控股董事會主席鄧俊杰對於欠債一事表示：「冇乜嘢，借錢還錢，已經傾緊分期還畀佢哋。」惟記者欲繼續追問亞視拖糧問題時，未問完他已匆匆收線。至於亞洲電視數碼媒體有限公司方面，坦言不知悉報道中的債務事宜，並指現在亞洲電視數碼媒體有限公司仍如常運作，亞姐項目如期進行中。