姚樂怡3歲女貪靚 學化妝搽指甲油

藝人姚樂怡、容羨媛、王曉君及KOL Amanda，早前齊齊帶囡囡出席兒童彩妝親子活動，姚樂怡笑言3歲女兒吳芊憧非常開心：「佢第一次正式聽老師教化妝，其實佢一踏入3歲，已經開始貪靚，成日要着裙。之前帶佢去主題樂園，裏面有個活動幫小朋友化妝同搽指甲油，之後佢成日話要搽，就算搽潤唇膏都覺得好靚。今次學化妝，又胭脂又唇彩，佢覺得超靚。最搞笑係佢學完之後都夜晚七點幾，我諗住畀啲小食佢頂吓肚餓，佢平時好為食，但嗰晚佢話唔食，驚整花個嘴，好搞笑。」
姚樂怡笑囡囡寧願捱餓都要靚。
姚樂怡笑囡囡寧願捱餓都要靚。

王曉君亦指女兒玩得非常開心：「佢好認真咁做每一個步驟，又會加啲意見，導師叫佢用手指搽眼影，佢話唔好，想用眼影掃。當日我想拍晒佢化妝過程，但後期佢叫我唔好影，等佢專心化妝，我覺得好搞笑，好似我阻住佢扮靚，佢真係好Enjoy。」

王曉君（左）與容羨媛齊齊帶女兒學化妝。
  • 王曉君（左）與容羨媛齊齊帶女兒學化妝。
姚樂怡囡囡專心搽唇彩。
  • 姚樂怡囡囡專心搽唇彩。